Huawei X3 Pro routeri global bozorga chiqdi

Huawei noyabr oyida taqdim etgan noodatiy dizayndagi Huawei X3 Pro routeri endi global bozorga ham chiqarilmoqda. Bu haqda kompaniyaning o‘zi ma’lum qildi.

Ushbu «art-router» Mate X7 bukiladigan smartfoni va kompaniyaning boshqa yangi qurilmalari bilan birga Yevropa, Lotin Amerikasi, Yaqin Sharq, Osiyo-Tinch okeani mintaqasi va Afrikada savdoga chiqadi.

Xitoyda X3 Pro routeri $180 ga taklif qilinadi, diapazon kengaytirgichi esa $110 turadi. Yevropada esa mos ravishda 170 va 100 yevro etib belgilangan — narx deyarli Xitoy bozoriga teng.

Huawei X3 Pro faqat ko‘rinishi bilan emas, balki texnik imkoniyatlari bilan ham ajralib turadi. Qurilma Wi-Fi 7 (Huawei ta’kidlashicha, Wi-Fi 7+) texnologiyasini qo‘llab-quvvatlaydi va 3570 Mbit/s gacha tezlikni taqdim eta oladi. Routerning korpusida ikkita 2.5 GbE RJ45 porti mavjud.

Shuningdek, u alohida IoT-kanal, ota-ona nazorati, mehmon Wi-Fi tarmog‘i, WPA3 xavfsizlik standarti, Huawei HomeSec himoyasi va ventilyatorli sovutish tizimiga ega.

Eslatib o‘tamiz, Kursiv Uzbekistan Huawei Mate 80 smartfoni Xitoy bozorlarida sotuvga chiqqani haqida yozgan edi.