Yangi yil munosabati bilan Toshkent metrosi ish vaqti uzaytirildi
Yangi yil bayrami munosabati Toshkent metropoliteni ish vaqtiga vaqtinchalik o‘zgartirishlar kiritildi. Bu haqda metropoliten matbuot xizmati ma’lum qildi.
Xususan, bayram kechasida fuqarolarning erkin va xavfsiz harakatlanishini ta’minlash maqsadida metro poyezdlari 31-dekabr soat 05:00 dan 1-yanvar soat 01:00 gacha uzluksiz xizmat ko‘rsatadi.
Shuningdek, Yangi yil munosabati bilan belgilangan qo‘shimcha dam olish kunlarida metro poyezdlarining harakat oralig‘i quyidagi tartibda tashkil etiladi:
| Sana | Harakat tartibi |
|---|---|
| 2025-yil 31-dekabr | Shanba kuni uchun tasdiqlangan jadval asosida |
| 2026-yil 1-yanvar | Yakshanba kuni uchun belgilangan jadval asosida |
| 2026-yil 2-yanvar | Shanba kuni uchun tasdiqlangan jadval asosida |
Bundan tashqari, 5-yanvar — dushanba kuni ish kuni hisoblanib, ushbu sanada metro harakati odatiy ish kunlari jadvali asosida tashkil etiladi.
Eslatib o‘tamiz, avvalroq Yangi yil munosabati bilan o‘zbekistonliklar necha kun dam olishi haqida yozgan edik.
