Audi kompaniyasi avtomobillari dizaynida katta o‘zgarishlarni e’lon qildi. Bosh dizayner Massimo Fraskellaning ma’lum qilishicha, kelajakdagi barcha modellarda asosiy element sifatida tor vertikal radiator panjarasi ishlatiladi. Bu haqda Motor1 nashri xabar berdi.
Bu konsept birinchi marta futuristik Concept C prototipida namoyish qilingan. Fraskella so‘zlariga ko‘ra, yangi element har bir modelga moslashtiriladi: kichik A-segment avtomobillari, sport kupelar va katta SUV’lar turlicha dizaynga ega bo‘ladi, ammo barchasi vertikal dizayn umumiyligi bilan bog‘langan bo‘ladi. Brendning tanib olish darajasi shunchaki nusxa olish orqali emas, balki noyob nisbatlar, chiziqlar va optika shakli orqali oshiriladi.
Dizaynerlar jamoasi tor vertikal elementlarni «ajralib turish ustunligi» deb ataydi va bu arxitektura Audi avtomobillarini yanada taniqli va statusli qiladi, deya ta’kidladi.
Yangi «yuz»ga ega birinchi seriyali modellarning bozorda yaqin vaqt ichida paydo bo‘lishi kutilmoqda. Internetda yangi radiator panjarasi dizayni allaqachon «Chaplin mo‘ylovi» deb nomlangan.
Avvalroq Kursiv Uzbekistan Audi kompaniyasi yangilangan A5 va Q5 modellarini taqdim etgani haqida yozgandi.
