Tecno yangi Tecno Camon 50 va Tecno Pova 8 smartfonlarini rasman qachon namoyish etishini ma’lum qildi. Qurilmalar 2–5-mart kunlari o‘tadigan MWC 2026 ko‘rgazmasida taqdim etiladi. Tadbir Ispaniyaning Barselona shahrida o‘tkaziladi.
Ishlab chiqaruvchi ma’lumotiga ko‘ra, Camon 50 seriyasi ilg‘or suratga olish imkoniyatlari bilan ajralib turadi. Qurilmalarda sun’iy intellekt asosidagi sahna aniqlash va tasvirni qayta ishlash tizimlari bo‘ladi.
Pova 8 esa unumdorlik va batareya ishlash vaqtiga e’tibor qaratadi. Model kundalik foydalanishda barqarorlik va silliq ishlashni taklif etadi.
Kompaniya MWC 2026 doirasida boshqa yangi qurilmalarni ham ko‘rsatishi kutilmoqda. Ular orasida noutbuk va planshetlar bo‘lishi mumkin.
Eslatib o‘tamiz, Kursiv Uzbekistan nashri Tecno POVA Curve 2 brend tarixidagi eng katta batareya bilan chiqishi haqida yozgan edi.
