YouTube platformasi Apple Vision Pro uchun maxsus ilova taqdim etdi. Bu haqda Tech Crunch nashri ma’lum qildi.
YouTube ilovasi foydalanuvchilarga standart videolar va YouTube Shorts’ni kinoteatr o‘lchamidagi virtual ekranda, to‘liq immersiv muhitda tomosha qilish imkonini beradi. Apple Vision Pro birinchi chiqqanida YouTube web-asosidagi yechimni tanlagan va foydalanuvchilarni Safari orqali kontentga yo‘naltirgan edi. Shu sababli offline yuklab olish funksiyasidan foydalanish mumkin emas edi.
Yangi ilova Spatial tab bilan ta’minlangan bo‘lib, foydalanuvchilar 3D, VR180 va 360-daraja formatidagi videolarni kashf etishi mumkin. M5 chipli Apple Vision Pro modellari uchun 8K videoni qo‘llab-quvvatlash imkoniyati mavjud. Ilovadan imo-ishora boshqaruvi orqali oyna o‘lchamini o‘zgartirish va videolar bo‘ylab harakat qilish mumkin.
Ilova App Store’dan yuklab olinadi va M2 hamda M5 chip modellari bilan ishlaydi. Apple Vision Pro bir yil oldin taqdim etilgan bo‘lsa-da, foydalanuvchi faolligi past bo‘lgan va 2025-yilning to‘rtinchi choragida faqat 45 ming yangi birlik yetkazilgan. Shu bois YouTube maxsus ilova orqali foydalanuvchilarga to‘liq imkoniyatlar yaratdi.
Eslatib o‘tamiz, avvalroq YouTube Premium foydalanuvchilari uchun yangi funksiyasini ishga tushirgan edi.
