OnePlus 15R smartfoni qanday xususiyatlarga ega

OnePlus kompaniyasi flagman darajasidagi xususiyatlarga ega yangi OnePlus 15R smartfonini bozorga chiqardi. Qurilma kuchli unumdorlik va uzoq vaqt ishlovchi akkumulyatorni maqbul narxda taklif etadi.

OnePlus 15R modeli 6,83 dyuymli AMOLED ekranga ega bo‘lib, uning yangilanish chastotasi 165 Htsni tashkil etadi. Smartfon 8 yadroli Qualcomm Snapdragon 8 Gen5 protsessori hamda 12 GB tezkor xotira bilan ishlaydi. Uning og‘irligi 213 gramm bo‘lib, korpusi IP68/IP69K standarti bo‘yicha suv va changdan himoyalangan.

Qurilmaning asosiy e’tiborli jihati 7400 mA/soat sig‘imli akkumulyator hisoblanadi. U 80 Vt (vatt) quvvatga ega tezkor quvvatlashni qo‘llab-quvvatlaydi, biroq qadoq ichida quvvatlovchi uskuna taqdim etilmaydi. Asosiy kamera 50 Mp, qo‘shimcha keng burchakli obyektiv 8 Mp, frontal kamera esa 32 Mp aniqlikka ega.

Smartfonning taxminiy narxi $780 atrofida belgilangan. Qurilma 8K formatida video yozib olish va optik yaqinlashtirish xususiyatlariga ega emas.

Avvalroq Kursiv Uzbekistan Tayvanda OnePlus asoschisini hibsga olish uchun order berilgani haqida xabar bergan edi.