Samsung Bixby internetdagi so‘nggi ma’lumotlarga kirish imkoniyatini oldi

Samsung Electronics yangi versiyadagi Bixby raqamli yordamchisini beta-testga chiqardi. Bu haqda Engadget ma’lum qildi.

Yordamchi sezilarli darajada yangilangan bo‘lib, endi mobil qurilmani tabiiy til orqali boshqarish imkonini beradi va foydalanuvchilar uchun qulaylikni oshiradi.

Yangilangan Bixby yordamida foydalanuvchilarga aniq komandalarni yoki maxsus sozlamalar nomlarini yodlash shart emas. Masalan, «Men ekranga qarayotganimda uning o‘chmasligini xohlayman» deb aytish kifoya va Bixby avtomatik tarzda «Ekranni ko‘rib turganimda yoqilgan holda qoldirish» sozlamasini yoqadi.

Shuningdek, foydalanuvchi «Nega mening telefonim doim cho‘ntakda bo‘lganda ekran yoqilgan bo‘ladi?» kabi savol bersa, yordamchi bir nechta yechim variantlarini taklif qilishi mumkin.

Endi Bixby internetdagi eng so‘nggi ma’lumotlarga ham kirish imkoniga ega. Foydalanuvchi brauzer ochmasdan qidiruvni amalga oshirishi mumkin va natijalar Bixby interfeysida ko‘rsatiladi.

Hozircha yangilangan Bixby faqat Koreya Respublikasi, Germaniya, Hindiston, Polsha, Buyuk Britaniya va AQShda mavjud. Kompaniya uning boshqa mamlakatlarda ham ishga tushirilishini rejalashtirmoqda.

Eslatib o‘tamiz, avvalroq Samsung Galaxy Z TriFold AQShda qayta sotuvga chiqarishi haqida xabar bergan edik.