Hafta boshida O‘zbekistonda qanday ob-havo bo‘ladi

Hafta boshida O‘zbekiston hududlarida ob-havo asosan o‘zgaruvchan bo‘ladi. Aksariyat hududlarda yog‘ingarchilik kutilmaydi, ayrim viloyatlarda esa qisqa muddatli yomg‘ir yog‘ishi mumkin. Bu haqda «O‘zgidromet» xabar berdi.

Qoraqalpog‘iston Respublikasi va Xorazm viloyatida havo o‘zgaruvchan bo‘lib, yog‘ingarchilik kutilmaydi. Shamol sharqdan g‘arbga o‘zgarib, 7–12 m/s tezlikda esadi, ayrim kunlari 13–18 m/s gacha kuchayishi mumkin. Harorat kechasi 3 daraja sovuqdan 2 daraja iliqqacha bo‘lishi kutilmoqda, keyingi kunlarda esa 2–7 daraja iliq atrofida bo‘ladi. Kunduz kunlari havo 10–15 daraja iliqqacha isiydi.

Buxoro va Navoiy viloyatlarida ham ob-havo o‘zgaruvchan bo‘ladi. Ayrim hududlarda yomg‘ir yog‘ishi mumkin. Shamol g‘arbdan 7–12 m/s tezlikda esadi, ba’zi kunlari 13–18 m/s gacha kuchayadi. Harorat kechasi 5–10 daraja iliqqacha, kunduzi esa 15–20 daraja iliqqacha ko‘tariladi. Navoiy viloyatining shimoliy hududlarida harorat biroz pastroq bo‘lishi mumkin.

Toshkent, Sirdaryo, Jizzax va Samarqand viloyatlarida ham havo o‘zgaruvchan bo‘ladi. Ayrim joylarda yomg‘ir yog‘ishi ehtimoli bor. Shamol sharqdan g‘arbga o‘zgarib, 7–12 m/s tezlikda esadi va ba’zi kunlari 13–18 m/s gacha kuchayishi mumkin. Harorat kechasi 2–10 daraja iliq atrofida, kunduz kunlari esa 12–19 daraja iliq bo‘lishi kutilmoqda.

Qashqadaryo va Surxondaryo viloyatlarida ayrim hududlarda yomg‘ir yog‘ishi mumkin. Shamol g‘arbdan 7–12 m/s tezlikda esadi, ayrim kunlari 13–18 m/s gacha kuchayadi. Harorat kechasi 7–12 daraja iliq, kunduz kunlari esa 18–23 daraja iliqqacha ko‘tariladi, keyinroq 15–20 daraja atrofida bo‘lishi kutilmoqda.

Andijon, Namangan va Farg‘ona viloyatlarida yog‘ingarchilik kutilmaydi. Shamol sharqdan 5–10 m/s tezlikda esadi. Harorat kechasi 5–10 daraja iliqqacha, kunduz kunlari esa 15–20 daraja iliqqacha ko‘tariladi.

Respublikaning tog‘ oldi va tog‘li hududlarida havo o‘zgaruvchan bo‘lib, vaqti-vaqti bilan yomg‘ir va qor yog‘ishi mumkin. Ayrim joylarda tuman tushishi ehtimoli bor. Harorat kechasi 0–5 daraja sovuqdan 0–5 daraja iliqqacha o‘zgaradi, kunduz kunlari esa 5–10 daraja iliq bo‘ladi.

Avvalroq Kursiv Uzbekistan qishloq xo‘jaligi ekinlarini sovuqdan qanday himoya qilish mumkinligi haqida yozgandi.