Lynk & Co 7 GT avtomobili Xitoyda rasman namoyish etildi. U avval taqdim etilgan Lynk & Co 07 sedanining amaliyroq versiyasi sifatida namoyish qilinmoqda.
Yangi model shooting brake (sport avtomobil va universal aralashmasiga o‘xshash kuzov turi) kuzovida ishlab chiqilgan. Bu turdagi avtomobillarga Xitoy bozorida qiziqish ortib bormoqda. Kompaniya yaqin orada modelni sotuvga chiqarishni rejalashtirmoqda. Old qismida ajratilgan faralar va F shaklidagi kunduzgi chiroqlar mavjud. Katta havo kirish panjarasi ham qo‘shilgan. Tom qismi biroz egilgan va avtomobilga sport ko‘rinish beradi.
Avtomobil yashirin eshik tutqichlari va ramkasiz oynalar bilan jihozlangan. Orqa qismida kichik spoyler va yagona fonar liniyasi mavjud. Tomda LiDAR sensori joylashgan. Model Nvidia Orin chiplariga asoslangan G-Pilot H5 tizimi bilan jihozlanadi. U 508 TOPS hisoblash quvvatini ta’minlaydi. Bu esa yarim avtonom boshqaruv imkonini beradi.
Texnik jihatdan model plug-in gibrid hisoblanadi. Unda 1,5 litrli turbo dvigatel va elektromotor ishlaydi. Umumiy quvvat 402 ot kuchiga teng. Maksimal aylanish momenti 615 Nm. Batareya sig‘imi 19 kVt/soatni tashkil etadi. Zaryadlash porti orqa qanotda joylashgan. Yonilg‘i baki esa old tomonda joylashgan.
Model o‘lchamlari rasmiy e’lon qilinmagan. Biroq u 07 sedaniga yaqin bo‘lishi kutilmoqda. Bu esa uni Audi A5dan biroz kattaroq qiladi. Xitoyda shooting brake segmenti yana ommalashmoqda. Bu avtomobillar aerodinamik jihatdan samaraliroq bo‘lib, kamroq yonilg‘i sarflaydi. Shu sababli yurish zaxirasi ham yuqori bo‘ladi.
Yangi modelning boshlang‘ich narxi taxminan $29 ming atrofida bo‘lishi kutilmoqda. Kelajakda u Yevropa bozoriga ham chiqishi mumkin.
Eslatib o‘tamiz, Kursiv Uzbekistan nashri Chevrolet Bolt 2027 elektromobili qanday motor bilan jihozlanishi haqida yozgan edi.
