Realme kompaniyasi yangi Realme C100 4G modelini taqdim etdi. Smartfon kuchli batareya va zamonaviy texnik imkoniyatlar bilan jihozlandi.
Yangi smartfon MediaTek Helio G92 Max platformasiga asoslangan bo‘lib, 8000 mA/soat sig‘imli katta batareya bilan ta’minlangan. Qurilmada 45 vattli tezkor simli zaryadlash hamda 10 vattgacha teskari simli zaryadlash funksiyasi mavjud.
Realme C100 4G 6,8 dyuymli IPS displeyga ega bo‘lib, HD+ aniqlik va 120 Gts yangilanish chastotasini qo‘llab-quvvatlaydi. Ekran ArmorShell himoya oynasi bilan qoplangan va maksimal yorqinligi 1200 nitni tashkil etadi.
Kamera tizimi 50 megapikselli asosiy modul hamda 8 megapikselli old kameradan iborat. Shuningdek, smartfon IP69K darajasida suv va changdan himoyalangan. Qurilma Android 16 asosidagi realme UI 7.0 operatsion tizimida ishlaydi.
Xotira variantlari 6/128 GB va 8/256 GB ko‘rinishida taqdim etilgan. Vyetnamda ushbu model allaqachon sotuvga chiqarilgan bo‘lib, boshlang‘ich narxi taxminan $290 ni tashkil qiladi.
Eslatib o‘tamiz, avvalroq Realme kompaniyasi 16 Pro smartfonining Yevropa versiyasi taqdim etilgan edi.
