O‘zbekistonlik futbolchi Xushnudbek Avilov 27 yoshida vafot etdi
eʼlon qilindi
Sportchi faoliyati davomida «Paxtakor», «Navbahor» va boshqa qator mahalliy klublarda to‘p surgan
O‘zbekistonlik futbolchi Xushnudbek Avilov 27 yoshida olamdan o‘tdi. Uning so‘nggi klubi «Do‘stlik Toshkent» jamoasi hisoblanadi.
Xushnudbek Avilov o‘zining professional faoliyati davomida O‘zbekiston chempionatining bir qator jamoalarida o‘ynagan. Xususan, u turli yillarda «Turon», «Navbahor», «Andijon», «Qo‘qon-1912» hamda «Paxtakor» klublari sharafini himoya qilgan.
Sportchi O‘zbekistonning U-19, U-21 va U-22 terma jamoalariga ham chaqirilgan bo‘lib, xalqaro maydonlarda mamlakat sharafini himoya qilgan. O‘zbekiston ichki chempionati doirasida esa 2024-yilgi mavsumda «Do‘stlik Toshkent» klubi safida 4 o‘yinda maydonga tushgan.
Avvalroq Kursiv Uzbekistan Dizayn jamoasi a’zosi Dilshodbek Musabekov vafot etgani haqida xabar bergan edi.
