Italiya A Seriyasining 35-turida «Inter» klubi «Parma»ni 2:0 hisobida mag‘lub etib, muddatidan avval chempionga aylandi. Milandagi «Juzeppe Meatsa» stadionida o‘tgan uchrashuv jamoaga o‘z tarixidagi 21-titulni taqdim etdi.
Uchrashuvning 45+1-daqiqasida Pyotr Zelinskiyning uzatmasidan so‘ng Markus Tyuram hisobni ochgan bo‘lsa, 80-daqiqada Lautaro Martinesning yordami bilan Genrix Mxitaryan ikkinchi golni kiritdi. Shuningdek, uchrashuvning 64-daqiqasida italiyaliklar yarim himoyachisi Zelinskiy sariq kartochka bilan jazolandi.
Ushbu g‘alaba evaziga «Inter» 35 o‘yindan so‘ng 82 ochko to‘plab, turnir jadvalida eng yaqin ta’qibchisi «Napoli»dan 12 ochkoga o‘zib ketdi. O‘yinda mag‘lubiyatga uchragan «Parma» esa 42 ochko bilan 12-pog‘onadan joy olgan.
2025-yil iyun oyida Simone Inzagining o‘rniga bosh murabbiy etib tayinlangan Kristian Kivu o‘zining debyut mavsumidayoq muddatidan avval Skudetto sohibiga aylandi. Agar «Inter» 13-may kuni Italiya Kubogi finalida «Latsio»ni mag‘lub etsa, jamoa mavsumni «oltin dubl» bilan yakunlashi mumkin.
Avvalroq Kursiv Uzbekistan «Inter» dramatik kambek bilan Italiya kubogi finaliga chiqqani haqida xabar bergan edi.
