Yangiliklar

«The Boys» serialining prikveli «Vought Rising» treylerini namoyish etdi

eʼlon qilindi
Sardor Saidov
Sardor Saidov
Muxbir
Film prime
Jensen Ekls ishtirokidagi ushbu yangi loyiha 2027-yilda premyera qilinishi rejalashtirilgan
Ekran tasviri

Prime Video platformasi «Yigitlar» («The Boys») serialining prikveli hisoblangan «Voutning yuksalishi» («Vought Rising») loyihasining ilk treylerini ommaga taqdim etdi. Serialdagi asosiy voqealar o‘tgan asrning 50-yillariga borib taqaladi.

Yangi loyihada yosh Soldier Boy qahramoni gavdalanadi va uning rolini aktyor Jensen Ekls ijro etadi. Namoyish etilgan treylerda superqahramonlarni yaratishda qo‘llaniladigan V birikmasi inyeksiyalari hamda Stormfront personaji ko‘rinish bergan. Shuningdek, qonli sahnalar orqali personajlarning qorong‘i o‘tmishiga urg‘u berilgan.

«Yigitlar» («The Boys») serialining yakuniy epizodi namoyish etilganidan atigi bir necha kun o‘tib e’lon qilingan ushbu prikvel 2027-yilda ekranlarga chiqishi belgilangan. Manbaga ko‘ra, avvalroq «V avlod» («Gen V») prikvel loyihasi Prime Video tomonidan bekor qilingani sababli muxlislar yangi serialga qisman shubha bilan yondashmoqda.

Avvalroq Kursiv nashri «The Boys» seriali final qismining treyleri e’lon qilingani haqida xabar bergan edi.

Shuningdek