Honda kompaniyasi avtomobillari uchun 8 yilgacha kafolat joriy etdi

Honda kompaniyasi 1-iyundan avtomobil kafolati 8 yilgacha yoki 100 ming milgacha uzaytirilishi mumkin. Yangi dastur avtomobil egasiga emas, balki transport vositasining o‘ziga bog‘lanadi.

Kompaniya bu orqali sertifikatlangan ishlatilgan Honda avtomobillarining bozordagi jozibadorligini oshirishni maqsad qilgan. Dastur ikkilamchi bozorda Honda avtomobillarining qoldiq qiymatini ham qo‘llab-quvvatlashi mumkin.

Yangi kafolat 1-iyundan ro‘yxatdan o‘tkazilgan avtomobillarga tatbiq etiladi. U ishlab chiqaruvchining standart uch yillik kafolatini kengaytiradi.

Dasturdan foydalanish uchun avtomobil rasmiy dilerlik servislarida muntazam texnik ko‘rikdan o‘tkazilishi kerak. Ta’mirlash va xizmat ko‘rsatishda original ehtiyot qismlardan foydalanish talab etiladi.

Har bir rasmiy texnik xizmatdan so‘ng kafolat yana 12 oyga uzaytiriladi. Shu tariqa avtomobil birinchi ro‘yxatdan o‘tgan kundan boshlab 8 yilgacha kafolat ostida qolishi mumkin. Maksimal kafolat muddati 8 yil yoki 100 ming mil yurish masofasi bilan cheklanadi. Bu ko‘rsatkichlardan qaysi biri avval yetib kelsa, kafolat muddati o‘sha paytda tugaydi.

Dastur Yevropa bo‘ylab amal qilishi ham ko‘zda tutilgan. Bu Buyuk Britaniyadan tashqariga safar qiladigan Honda egalari uchun qo‘shimcha qulaylik yaratadi.

Shuningdek, yangi dastur ishlatilgan avtomobil xaridorlari uchun ham muhim kafolat bo‘lishi mumkin. Agar avvalgi egalar servis talablariga rioya qilgan bo‘lsa, keyingi xaridor ham kafolatdan foydalanishda davom etadi.

Avvalroq «Kursiv» Honda Insight elektromobilini taqdim etilgani haqida yozgan edi.