Mobiuz va OLX sotib olindi, terma jamoa o‘rtoqlik o‘yinida Kanadaga mag‘lub bo‘ldi, oliy va kasbiy ta’lim muassasalariga qabul boshlandi — hafta davomida e’lon qilingan yangiliklar dayjesti
JCh – 2026 stadionlariga suv idishlarini olib kirish taqiqlandi
2026-yilgi futbol bo‘yicha jahon chempionati vaqtida muxlislar stadionlarga qayta foydalaniladigan suv idishlarini olib kira olmaydi. Bu haqda Reuters agentligi xabar berdi.
TBC Group’ga aloqador kompaniya OLX’ni sotib oladi
Raqobat qo‘mitasi BAAda ro‘yxatdan o‘tgan Tapuz Limited kompaniyasining OLX Classifieds MChJ XKdagi 100% ulushni sotib olish bo‘yicha arizasini ma’qulladi.
Yangi «Muzlik davri» multfilmi 2027-yilda chiqadi
Disney studiyasi «Muzlik davri» animatsion franshizasining oltinchi qismi uchun ilk tizerni taqdim etdi. Yangi multfilm «Muzlik davri: Qaynash nuqtasi» deb nomlanadi.
5-iyundan oliy va kasbiy ta’lim muassasalariga qabul boshlandi
5-iyundan boshlab O‘zbekistonda oliy va kasbiy ta’lim muassasalariga 2026/2027-o‘quv yili uchun qabul jarayoni boshlandi. Bu haqda Oliy ta’lim vazirligi xabar berdi.
Mirziyoyev va Putin O‘zbekistonda AES qurilishiga start berdi
Shavkat Mirziyoyev va Vladimir Putin O‘zbekistonda AES qurilishiga start berdi. Bu haqda prezident matbuot xizmati xabar berdi.
AQShda yuk o‘g‘irligida gumonlangan o‘zbekistonlik jinoiy guruh qo‘lga olindi
AQShda huquq-tartibot organlari $4,5 mlnlik yuklarni o‘g‘irlashda gumon qilinayotgan o‘zbekistonlik jinoiy guruh faoliyatiga chek qo‘yganini ma’lum qildi. Bu haqda New York Post nashri xabar berdi.
1-sentabrdan avtobusga chiqqanda yo‘lkirani darhol to‘lash majburiy bo‘ladi
2026-yil 1-sentabrdan shahar avtobuslarida yo‘lkira haqini validator orqali tasdiqlash majburiy bo‘ladi. Yangi tartibga ko‘ra, to‘lovni avtobusga chiqish vaqtida amalga oshirmagan yo‘lovchilar chiptasiz yurgan deb hisoblanadi.
Qabul imtihonida «B1» chet tili sertifikati uchun endi 75 foiz ball beriladi
Adliya vazirligi tomonidan xorijiy tillar va umumta’lim fanlari bo‘yicha sertifikatlar ro‘yxatiga o‘zgartirish va qo‘shimchalar kiritildi. Yangi tartib 2026-yil 2-iyunda davlat ro‘yxatidan o‘tkazilgan.
MobiUz 351 mln dollarga sotildi
Davlat aktivlari agentligi MobiUz mobil operatorini xususiylashtirish bo‘yicha xalqaro savdo jarayoni muvaffaqiyatli yakunlanganini ma’lum qildi.
Toshkentdagi ikki oliygoh yangi kimyo klasteri hududiga ko‘chiriladi
Toshkent kimyo-texnologiya instituti va Mendeleyev nomidagi kimyo-texnologiya universitetining Toshkent filiali poytaxtda tashkil etiladigan 60 gektarlik kimyo sanoati innovatsion klasteri hududiga ko‘chiriladi. Bu haqda Shavkat Mirziyoyev kimyo sanoatini rivojlantirish yuzasidan yig‘ilishda ma’lum qildi.
O‘zbekiston o‘rtoqlik o‘yinida Kanadaga mag‘lub bo‘ldi
Jahon chempionatiga tayyorgarlik ko‘rayotgan O‘zbekiston milliy terma jamoasi o‘rtoqlik uchrashuvida turnir mezbonlaridan biri Kanada mehmoni bo‘ldi. Bahsda mezbonlar 2:0 hisobida g‘alaba qozondi.
