Chevrolet Silverado 1500’ning yangi avlodi – 2027-yil modeli rasman taqdim etildi. Bu haqda kompaniya rasmiy sahifasida ma’lum qildi.
Kompaniya uni tarixidagi eng kuchli va eng zamonaviy Silverado sifatida ta’riflamoqda.
Yangi modelda 5.7L va 6.6L hajmdagi yangi avlod V8 dvigatellari, shuningdek 2.7L TurboMax va 3.0L turbo-dizel kabi variantlar taklif etiladi. Ishlab chiqaruvchiga ko‘ra, bu motorlar yuqori quvvat, mustahkamlik va tortish kuchi bilan ajralib turadi.
Dizayn va ichki qism yangilandi
2027 Silverado butunlay yangilangan tashqi ko‘rinishga ega bo‘lib, yanada agressiv old qism, yangi LED chiroqlar va trimga qarab farqlanadigan dizayn elementlari bilan taqdim etilgan.
Salon qismida esa katta raqamli ekranlar (16.3 dyuymli markaziy displey va 12.2 dyuymli panel) hamda zamonaviy raqamli boshqaruv tizimi o‘rnatilgan.
Versiyalar kengaytirildi
Yangi Silverado 7 ta trim darajasida taklif etiladi:
- Work Truck (ishchi versiya);
- Custom;
- Silverado (LT o‘rnini bosadi);
- High Country (premium);
- Trail Boss;
- Custom Trail Boss;
- ZR2 (off-road flagman).
Yo‘ldan tashqari va premium imkoniyatlar
ZR2 versiyasi eng kuchli off-road model sifatida 35 dyuymli shinalar, ko‘tarilgan osma tizimi va mustahkam himoya elementlari bilan jihozlangan.
High Country esa panoramali tom, premium salon va hashamatli bezaklari bilan liniyaning eng yuqori darajasini ifodalaydi.
Texnologiyalar
Yangi Silverado’da Super Cruise haydovchiga yordam tizimi ham mavjud bo‘lib, u hatto tirkama tortish paytida ham hands-free boshqaruv imkonini beradi.
Avvalroq Kursiv Uzbekistan Chevrolet’ning mashhur avtomobiliga chegirma e’lon qilingani haqida yozgandi.
