4 – 6-iyul kunlari 9 ta viloyatda sel-suv toshqini xavfi bor
«O‘zgidromet» 4 – 6-iyul kunlari kutilayotgan yomg‘irlar sabab O‘zbekistonning ayrim tog‘oldi va tog‘li hududlarida sel-suv toshqinlari yuzaga kelishi mumkinligi haqida ogohlantirdi.
Unga ko‘ra, noqulay ob-havo Qashqadaryo, Surxondaryo, Samarqand, Navoiy, Jizzax, Toshkent, Namangan, Farg‘ona va Andijon viloyatlarining qator tumanlarida kuzatilishi mumkin.
Ayrim hududlarda suv to‘planishi ehtimoli mavjud
Kuchli yog‘ingarchilik natijasida tog‘lardan keladigan sel oqimlari bilan bir qatorda, ayrim aholi punktlari va yo‘llarda yomg‘ir suvlari to‘planib, hududlarni vaqtincha suv bosishi ehtimoli ham mavjud.
Shu sababli tog‘oldi va tog‘li hududlarda yashovchi fuqarolar, dam oluvchilar hamda ushbu yo‘nalishlarda harakatlanayotgan haydovchilarga ehtiyotkorlik choralarini kuchaytirish tavsiya etildi.
Xavfli hududlar
Sel-suv toshqini xavfi quyidagi hududlarning ayrim tumanlarida prognoz qilinmoqda:
- Qashqadaryo;
- Surxondaryo;
- Samarqand;
- Navoiy;
- Jizzax;
- Toshkent;
- Namangan;
- Farg‘ona;
- Andijon.
Fuqarolarga ob-havo prognozlarini muntazam kuzatib borish, zarurat bo‘lmaganda tog‘li hududlarga chiqmaslik hamda favqulodda vaziyatlar xizmatlarining tavsiyalariga amal qilish tavsiya etilmoqda.
Avvalroq Kursiv Uzbekistan 3-iyul uchun ob-havo prognozini yozgandi.
