Shavkat Mirziyoyev amaliy tashrif bilan Qirg‘izistonga jo‘nab ketdi

31-avgust kuni O‘zbekiston Respublikasi prezidenti Shavkat Mirziyoyev Qirg‘iziston yetakchisi Sadir Japarovning taklifiga binoan Shanxay hamkorlik tashkiloti tadbirlarida ishtirok etish uchun Bishkek shahriga jo‘nab ketdi. Bu haqda prezident matbuot xizmati xabar berdi.

ShHT doirasidagi muzokaralar

Tadbirlarda tashkilotga a’zo davlatlar rahbarlari kengashining navbatdagi yig‘ilishi hamda «ShHT plyus» formatidagi uchrashuv bo‘lib o‘tadi. Ushbu uchrashuvlar doirasida hamkorlikni yanada rivojlantirish, tashkilot faoliyatini takomillashtirishning dolzarb masalalari hamda xalqaro va mintaqaviy aloqalar istiqbollari muhokama qilinadi.

Ikki tomonlama uchrashuvlar va madaniy dasturlar

Amaliy tashrif davomida O‘zbekiston Prezidenti xorijiy delegatsiyalar rahbarlari bilan bir qator ikki tomonlama muzokaralar o‘tkazishi rejalashtirilgan. Shuningdek, davlat rahbari qardosh xalqlar madaniyatini aks ettiruvchi VI Butunjahon ko‘chmanchilar o‘yinlarining ochilish marosimida ham ishtirok qiladi.

Avvalroq Kursiv nashri O‘zbekiston va Hindiston o‘rtasida 30 kunlik vizasiz rejim joriy etilayotgani haqida xabar bergan edi.