Samsung Buyuk Britaniyada Samsung Galaxy S26 FE xaridorlari uchun yangi aksiya boshladi. Bu haqda Sammobile nashri xabar bermoqda. Smartfonni 6-oktabrgacha sotib olgan mijozlar Samsung Wallet orqali taxminan $271 miqdoridagi bonus olishlari mumkin.
Bundan tashqari, PayPal orqali xarid qilganda qariyb $68 chegirma beriladi. Eski smartfonini yangi qurilmaga almashtiradigan xaridorlar esa trade-in dasturi orqali qo‘shimcha chegirmaga ega bo‘lishlari mumkin.
$271 bonus qanday olinadi
Galaxy S26 FE’ni aksiya muddati davomida xarid qilgan foydalanuvchi bonusni olish uchun xariddan keyin 30 kun ichida ariza topshirishi kerak.
Ariza qabul qilingach, Samsung yetti ish kuni ichida foydalanuvchiga tasdiqlovchi bildirishnoma yuboradi. Taklifdan foydalanish uchun Galaxy S26 FE’ni 6-oktabrgacha sotib olish talab etiladi.
PayPal orqali yana $68 tejash mumkin
Galaxy S26 FE uchun PayPal foydalanuvchilariga ham alohida chegirma taqdim etilmoqda. Smartfon uchun PayPal orqali to‘lov amalga oshirilsa, xarid vaqtida taxminan $68 chegirma beriladi.
Ushbu taklif 15-sentabrgacha amal qiladi.
Eski telefonni topshirib $482 gacha chegirma olish mumkin
Galaxy S26 FE xaridorlari eski smartfonini trade-in dasturi orqali topshirib, yangi qurilma narxini yanada kamaytirishlari mumkin.
Almashtiriladigan telefon modeliga qarab chegirma miqdori taxminan $41 dan $482 gacha bo‘ladi. Yakuniy chegirma eski smartfonning modeli va holatiga bog‘liq.
Shu tariqa Buyuk Britaniyadagi Galaxy S26 FE xaridorlari Samsung Wallet bonusi, PayPal chegirmasi va trade-in dasturidan birgalikda foydalanib, xarajatlarini sezilarli kamaytirish imkoniga ega.
Eslatib o‘tamiz, Kursiv Uzbekistan Samsung Galaxy S24 FE uchun One UI 9.0 beta-versiyasi tarqatila boshlangani haqida yozgan edi.
