Samsung Hindiston bozorida Samsung Galaxy A56 va Galaxy A36 smartfonlari narxini yana oshirdi. Bu haqda Sammobile nashri xabar bermoqda.
Galaxy A56 narxi barcha versiyalarda 2 ming rupiyaga ($21), Galaxy A36 esa 3 ming rupiyaga ($31) oshirilgan. Tarqalgan dilerlik xabarnomasiga ko‘ra, yangi narxlar bugundan kuchga kiradi.
Galaxy A56 narxi qariyb $21 ga oshdi
Galaxy A56’ning barcha xotira variantlari qariyb $21 ga qimmatlashdi. 8 GB + 128 GB versiya narxi taxminan $448 dan $469 gacha, 8 GB + 256 GB varianti $490 dan $511 gacha oshdi. 12 GB + 256 GB versiya esa endi qariyb $547 o‘rniga $568 turadi.
Galaxy A36 qariyb $31 ga qimmatlashdi
Galaxy A36’ning barcha konfiguratsiyalari qariyb $31 ga oshirilgan. 8 GB + 128 GB modeli taxminan $354 dan $386 gacha, 8 GB + 256 GB versiyasi $396 dan $427 gacha ko‘tarildi. 12 GB + 256 GB variant narxi esa qariyb $454 dan $485 gacha yetdi.
Avvalroq Kursiv Uzbekistan nashri Samsung Galaxy S27 Ultra uchun tezkor LPDDR6 xotirasini sinovdan o‘tkazgani haqida yozgan edi.
