Chevrolet AQSh bozorida 2026-yilgi Trax modeli uchun oktabr oyidagi maxsus takliflarni e’lon qildi. Bu haqda GMAuthority nashri xabar bermoqda.
Takliflar orasida past foizli moliyalashtirish, keyingi yilgacha oylik to‘lovlarni boshlamaslik va maxsus lizing dasturlari bor. Shu bilan birga, bu oy avtomobilni naqd pulga xarid qiluvchilar uchun alohida chegirma taklif etilmaydi.
Kredit stavkasi 2,9% dan boshlanadi
2026-yilgi Chevrolet Trax uchun 36 oy muddatga yillik 2,9% stavkada moliyalashtirish taklif qilinmoqda.
GM Financial orqali kredit rasmiylashtirgan mijozlar uchun 92 kun davomida oylik to‘lovlarni amalga oshirmaslik imkoniyati ham mavjud. Ushbu taklif Pensilvaniya shtati rezidentlariga tatbiq etilmaydi.
Bundan tashqari, LS komplektatsiyasidan tashqari boshqa versiyalar uchun $500 bonus taqdim qilinadi.
Lizing oyiga $299 dan boshlanadi
2026-yilgi Chevrolet Trax LT uchun milliy lizing dasturi ham mavjud.
Bir taklif bo‘yicha avtomobilni 24 oyga oyiga $309 dan ijaraga olish mumkin. Shartnoma yiliga 10 ming mil yurish limitini nazarda tutadi, boshlang‘ich to‘lov esa $2 939 ni tashkil etadi.
GM xodimlari va ularning ayrim oila a’zolari uchun esa boshqa taklif mavjud: 24 oyga oyiga $299, boshlang‘ich to‘lov $2 969.
Har ikki holatda ham xavfsizlik depoziti talab qilinmaydi.
Takliflar 4-noyabrgacha amal qiladi
Chevrolet Trax uchun mazkur maxsus shartlar 2026-yil 4-noyabrgacha amal qiladi.
Bundan tashqari, GM Rewards dasturi orqali yangi Chevrolet avtomobilini sotib olgan yoki lizingga olgan mijozlar 50 minggacha bonus ball to‘plashi mumkin. Bu taxminan $500 qiymatga teng.
Mazkur bonus dasturi 30-noyabrgacha amal qiladi.
Chevrolet Trax narxi qancha
2026-yilgi Chevrolet Trax’ning AQShdagi boshlang‘ich narxlari quyidagicha:
- LS – $23 495
- 1RS – $24 995
- LT – $24 995
- 2RS – $27 195
- Activ – $27 195
Narxlarga $1 795 miqdoridagi yetkazib berish xarajati ham kiritilgan.
Trax 137 ot kuchiga ega
2026-yilgi Chevrolet Trax 1,2 litrli uch silindrli turbomotor bilan jihozlangan. Dvigatel 137 ot kuchi va 219 Nm ga yaqin aylanish momentini ishlab chiqaradi.
Model faqat old g‘ildirakdan tortish tizimi bilan taklif etiladi va tirkama tortish uchun mo‘ljallanmagan. Shuningdek, Chevrolet Trax’ning yangilangan 2027-yilgi versiyasi ham tayyorlanmoqda. Hozirgi 2026-yilgi model ishlab chiqarilishi 31-dekabrgacha davom etishi rejalashtirilgan.
Avvalroq Kursiv Uzbekistan nashri Lada Azimut avtomobili yanada kuchli bo‘lgani haqida yozgan edi.
