Vivo kompaniyasi Xitoy bozori uchun yangi Vivo Y600k Turbo smartfonini rasman taqdim etdi. Bu haqda Gizmochina texnologiyalar nashri xabar bermoqda.
Model 9020 mA/soat sig‘imli katta batareya, Snapdragon 7s Gen 4 protsessori va 6,83 dyuymli AMOLED ekran bilan jihozlangan. Qurilma 12 Gb tezkor va 256 Gb ichki xotirali yagona konfiguratsiyada taklif etiladi. Narxi 2799 yuan yoki qariyb $420 ni tashkil etadi.
120 Hz AMOLED ekran
Vivo Y600k Turbo 6,83 dyuymli AMOLED displeyga ega. Ekran aniqligi 2800 × 1260 piksel, yangilanish tezligi esa 120 Hz.
Displey 10,7 mlrd rangni aks ettira oladi, 4320 Hz PWM xiralashtirish texnologiyasini qo‘llab-quvvatlaydi. Mahalliy maksimal yorqinlik 5000 nitgacha yetadi.
Snapdragon 7s Gen 4 protsessori
Smartfon Snapdragon 7s Gen 4 mobil platformasida ishlaydi. Qurilmada 12 Gb LPDDR4X tezkor xotira va 256 Gb UFS 3.1 ichki xotira mavjud.
9020 mA/soat batareya
Modelning asosiy xususiyatlaridan biri – 9020 mA/soat sig‘imli batareya. Smartfon 90 Vt simli tezkor quvvatlashni qo‘llab-quvvatlaydi. Simsiz quvvatlash mavjud emas.
Shuningdek, USB Type-C orqali boshqa qurilmalarni teskari quvvatlash imkoniyati ham bor.
Asosiy kamera 50 Mp
Vivo Y600k Turbo orqa qismida 50 Mp asosiy kamera va 2 Mp chuqurlik sensori bilan jihozlangan. Old kamera 8 Mp aniqlikka ega.
Asosiy kamera 4K formatda video yozishi mumkin, old kamera esa 1080p formatni qo‘llab-quvvatlaydi.
Android 16 va IP69 himoya
Smartfon Android 16 asosidagi OriginOS 6 operatsion tizimida ishlaydi. Qurilmada ekran ostidagi optik barmoq izi skaneri, stereo dinamiklar, infraqizil port, NFC, Wi-Fi 6 va Bluetooth 5.2 mavjud.
Model IP68 va IP69 darajasida chang hamda suvdan himoyalangan. Shuningdek, mustahkamlangan himoya oynasi qo‘llangan va qurilma sakkizta harbiy standart sinovidan o‘tgan.
Narxi
Vivo Y600k Turbo 12/256 Gb konfiguratsiyada 2799 yuan ($420) turadi. Smartfon Electric Blue, Dune Gold va Millennial Pink ranglarida sotiladi. Hozircha modelning Xitoydan tashqarida sotuvga chiqishi haqida ma’lumot berilmagan.
Avvalroq Kursiv Uzbekistan nashri Vivo X Fold 6 global bozorga 1-oktabrda chiqishi mumkinligi haqida yozgan edi.
