O‘smirlar uchun eng kam qamoq jazosi qanchaga qisqartiriladi?
Oliy Majlis Qonunchilik palatasi deputatlari birinchi o‘qishda voyaga yetmaganlar uchun ozodlikdan mahrum qilishning eng kam muddati olti oydan bir oygacha qisqartiriladigan qonun loyihasini qabul qildi.
Yalpi majlisda Jinoyat kodeksining 77 va 85-moddalariga voyaga yetmaganlarning jinoiy javobgarligini liberallashtirish to‘g‘risidagi o‘zgartishlar kiritish to‘g‘risidagi masala ko‘rib chiqildi.
O‘zgartishlarga ko‘ra, shaxs hukm chiqarilgan ayblov hukmi qonuniy kuchga kirgan kundan boshlab sudlangan deb hisoblanadi. Sud tomonidan jazodan ozod qilingan shaxs sudlangan deb hisoblanmaydi.
Muddat tugashi yoki sudlanganlik olib tashlanganidan keyin uning barcha huquqiy oqibatlari bekor qilinadi. O‘smirning sudlanganligi jinoyat uchun jazo muddatini o‘tab bo‘lgandan keyin olib tashlanadi.
Deputatlarning fikricha, o‘zgartishlarning qabul qilinishi yoshlarga voyaga yetgunga qadar sodir etgan jinoyati uchun «sudlanganlik stigmasi»dan xalos bo‘lib, hayotni yangidan boshlash imkonini beradi.
