O‘zbekiston eksportchilarning moliyaviy imkoniyatlarini yanada kengaytiradi

O‘zbekiston prezidenti Shavkat Mirziyoyev tadbirkorlar bilan yillik uchrashuvda eksportyorlarni qo‘llab-quvvatlash bo‘yicha keyingi chora-tadbirlarni ma’lum qildi.

Uning so‘zlariga ko‘ra, dunyoda logistika xarajatlari ortib bormoqda. Xalqaro maydondagi vaziyatdan kelib chiqib, ular 3-4 barobar oshdi. Bunday sharoitda eksport qiluvchi korxonalarning moliyaviy imkoniyatlari yanada kengayadi, dedi prezident.

Davlat logistika xarajatlarini kompensatsiya qilishga qo‘shimcha 100 million dollar yo‘naltiradi. Shuningdek, mahsulotlarni xorijda sertifikatlash, xalqaro standartlarni joriy qilish va bu borada mutaxassis tayyorlashga yana 25 million dollar ajratiladi.

Eslatib o‘tamiz, avvalroq prezident tadbirkorlar bilan uchrashuvda tadbirkorlikni rivojlantirish uchun endilikda «Qishloq qurilish bank» mas’ul bo‘lishini aytgan edi.