«Ko’k belgichalar» uch oy ichida daromadni 263 ming $gacha oshirdi
Twitter pullik verifikatsiya tizimining parodiyasi ishga tushirilgandan so’ng Tumblr iOS foydalanuvchilarining xarajatlari 125 foizga oshdi, ma’lum qildi TechCrunch.
O’tgan yilning noyabr oyida Tumblr foydalanuvchilari Twitterning Blue obunasida bo’lgani kabi 8 dollarlik «ko’k belgi» sotib olish imkoniyati bo’ldi. Lekin Twitterdan farqli o’laroq, Tumblrning «ko’k tasdiq belgilari» ularning tasdiqlanganligini anglatmaydi, ular shunchaki dizayn elementi.
Biroq belgi ishga tushirilgandan so’ng, Tumblr iOS ilovasiga iste’molchi xarajatlari 2022-yil avgust-oktyabr oylariga nisbatan 125 foizga oshgan, sof daromad esa 263 ming dollarni tashkil qilgan.
Nashrning qayd etishicha, bunday hajviy siyosat ayrim hollarda real foyda keltirishi mumkin. Bu Tumblrning ushbu yo’nalishdagi birinchi tajribasi emas: masalan, servisda ekranni pikselli qisqichbaqa tasvirlari bilan to’ldirish imkonini beruvchi pullik vidjet mavjud. Bu funksiya ham mashhur edi.
Tumblr – foydalanuvchilarga qisqa maqolalar, rasmlar va animatsiyalarni joylashtirish imkonini beruvchi mikrobloglar xizmati.
Avvalroq Kursiv Twitter kompaniyasi pullik Blue obunasini ishga tushirganini yozgan edi.
