Xeops piramidasida yashirin kirish joyi topilgan
Bu olimlarga qadimgi misrliklar piramidalarni qanday qurganligini tushunishga yordam beradi
Olimlar qadimgi dunyo olamining bugungi kungacha saqlanib qolgan so‘nggi mo‘jizasi – Xeops piramidasida yashirin o‘tish joyini topdi, xabar bermoqda Reuters.
Piramidaning asosiy kirish yo’lagi yonidan to’qqiz metr uzunlikdagi o’tish joyi topildi. Kashfiyot strukturani qurish mexanizmlari haqidagi bilimlarni to’plashga hissa qo’shishi mumkin.
Tadqiqotchilarning fikricha, yo’lak qurib bitkazilmagan. Ehtimol, u piramidaning og’irligini qayta taqsimlash uchun qurilgan.
«Biz yo’lak ostida yoki uning oxirida nima topishimiz mumkinligini ko’rish uchun skanerlashni davom ettiramiz», dedi Misr antikvarlar oliy kengashi rahbari Mustafo Vaziriy.
Yashirin o‘tish joyi Qohira universiteti Fransiyaning HIP instituti bilan birgalikda amalga oshirayotgan piramidalarni noma’lum tuzilmalarni skanerlash bo‘yicha ScanPyramids loyihasi doirasida topilgan. Tashabbus 2015 yildan beri amalga oshirilmoqda.
Xeops piramidasi (Buyuk Giza piramidasi) Misr piramidalarining eng kattasi bo’lib, uning yoshi taxminan 4,5 ming yilga baholanadi. Bu qadimgi dunyo olamining yetti mo‘jizasidan biri.
Misr, jumladan, qadimiyligi tufayli O‘zbekiston xalqining sevimli dam olish maskanlaridan biridir. 2022 yilning sakkiz oyida, Kursiv yozganidek, u yerga 27 mingdan ortiq odam tashrif buyurgan.
