AQShdagi bank inqirozi tufayli kompaniyalarning bozor qiymati 465 milliard dollarga tushib ketdi

Banklar inqirozi birin ketin e’lon qilinmoqda

Bir hafta ichida Amerika Qo’shma Shtatlarida (AQSh) ikkita bank birdaniga yopilganidan keyin bozorlarda past ko’rsatkichlar davom etmoqda: fond indekslari pasaymoqda, kompaniyalar qiymati pasaymoqda, tahlil qildi Bloomberg.

Shunday qilib, seshanba kuni MSCI Asia Pacific Financials indeksi 2022 yil 29 noyabrdan beri eng past darajaga yetdi va 2,7 foizga pasaydi.

MSCI World Financials va MSCI EM Financials indekslariga kiritilgan kompaniyalarning umumiy bozor qiymati juma kunidan beri taxminan 465 milliard dollarga kamaydi.

Mitsubishi UFJ Financial Group Inc. 8,3%, Janubiy Koreyaning Hana Financial Group Inc. – 4,7%, Avstraliyaning ANZ Group Holdings Ltd. – 2,8% qiymatini yo’qotdi.

Inqirozdan eng ko’p zarar ko’rgan tashkilotlar orasida AQShning mintaqaviy banklari ham bor. Ular uchun KBW indeksi 7,7 foizga kamaydi, bu 2020 yil iyunidan beri eng yuqori ko‘rsatkichdir.

AQShda oxirgi haftada ikkita bank yopildi. Silikon Valley bank (SVB), mamlakatdagi 16-yirik bank 48 soat ichida birinchi bo’lib bankrot bo’ldi. Keyin, dushanba kuni Signature Bank faoliyatini to’xtatdi.