U 23 mart kuni Birlashgan Millatlar Tashkilotining suv konferensiyasida nutq so‘zladi
23 mart kuni BMTning suv konferensiyasida Saida Mirziyoeva Orol fojeasi oqibatlari va ularni bartaraf etish bo‘yicha O‘zbekiston amalga oshirayotgan ishlar haqida gapirdi. Anjuman 45 yillik tanaffusdan so‘ng ilk bor o‘tkazildi.
«Orol dengizi inqirozi insoniyatning atrof-muhitga beparvoligi oqibatlari haqida dahshatli eslatmadir. Biroq, g‘amxo‘r insonlarning sa’y-harakatlari tufayli u yana bir bor umid va yangilanish timsoliga aylandi», — dedi Saida Mirziyoyeva.
2021 yilda BMT rezolyutsiyasi qabul qilindi, unda Orolbo‘yi hududi ekologik innovatsiyalar va texnologiyalar zonasi deb e’lon qilindi. 2018 yilda BMTning mintaqa uchun inson xavfsizligi bo‘yicha ko‘p sheriklik trast fondi tashkil etildi. Orol dengizini tiklash boʻyicha loyihalarni amalga oshirish uchun 14 million dollardan ortiq mablagʻ ajratildi.
22 mart kuni BMTning suv konferensiyasi doirasida O‘zbekiston Respublikasi Vazirlar Mahkamasi huzuridagi Madaniyat va san’atni rivojlantirish jamg‘armasi tashabbusi bilan o‘tkazilayotgan Orol madaniyati sammiti loyihasi – Orol madaniyati sammiti taqdimoti bo‘lib o‘tdi.
Sammit shafeligida yoshlar uchun ta’lim dasturlari, stipendiyalar va amaliyotlar ochiladi, bu esa mintaqadagi vaziyatni yaxshilashga xizmat qiladi.
Bundan tashqari, biodizayn ferma-laboratoriyasi tashkil etilib, ularda viloyatni suv bilan ta’minlash, yangi ekin turlarini yaratish, hududda tuproq sho‘rlanishini kamaytirish bo‘yicha turli texnologiyalarni o‘rganadi va ishlab chiqadi.
