Global iqtisodiy barqarorlik uchun xavflar ortdi
Xalqaro Valyuta Jamg’armasi (XVJ) rahbari Kristalina Georgiyeva yakshanba kuni moliyaviy barqarorlik uchun xavflar kuchayganini aytdi va hushyorlikka chaqirdi.
Pekinda bo’lib o’tgan Xitoy taraqqiyot forumida so’zga chiqqan XVJ boshqaruvchi direktori 2023 yil yana bir qiyin yil bo’lishini ta’kidladi. Pandemiya oqibatlari, Ukrainadagi urush va pul-kredit siyosatining keskinlashuvi tufayli jahon iqtisodiyoti 3 foizdan kamroq o’sadi.
Qulay ssenariy ostida ham, 2024 yilda global o’sish tarixiy o’rtacha 3,8 foizdan ancha past bo’ladi va umumiy prognoz zaifligicha qolmoqda, dedi Georgiyeva.
Uning so’zlariga ko’ra, rivojlangan mamlakatlar hukumatlari banklar qulagandan keyin o’z vaqtida va qat’iy choralar ko’rgan, ammo shunga qaramay, hushyorlikni yo’qotmaslik kerak.
U, shuningdek, dunyo raqobatchi iqtisodiy bloklarga bo’linib ketishi mumkinligi haqida ogohlantirdi va bu «hammani qashshoqroq va xavfsizroq qilib qo’yadigan xavfli bo’linishga» olib keladi.
XVJ rahbarining qoʻshimcha qilishicha, Xitoyda kuchli iqtisodiy tiklanish iqtisodiyotga biroz umid baxsh etadi, chunki jahon oʻsishning uchdan bir qismi Xitoy hissasiga toʻgʻri keladi. 2023 yilda Xitoy yalpi ichki mahsuloti 5,2 foizga o’sishi prognoz qilinmoqda.
