O‘zbekistonda shakar taqchilligi kutilyaptimi?

Raqobatni rivojlantirish qo’mitasi tushuntirish berdi

Oʻzbekiston hukumati mamlakatda shakar taqchilligining oldini olish boʻyicha zarur chora-tadbirlar ishlab chiqdi, deb xabar qildi Raqobatni rivojlantirish va isteʼmolchilar huquqlarini himoya qilish qoʻmitasi.

Departamentning qayd etishicha, mamlakat korxonalari xomashyoni Braziliyada jahon narxlaridan past narxlarda sotib oladi. Yaqin kunlarda omborlarga 8 ming tonna shakar, 78 ming tonna xomashyo yetkazib berilishi kutilmoqda.

O‘zbekistonliklarni shakar bilan uzluksiz ta’minlash maqsadida zavodlarda ishlab chiqarish quvvatlari modernizatsiya qilinmoqda. Birinchi bosqichda bu may oyida ishlab chiqarish hajmini 25 foizga oshiradi. Shunday qilib, yillik shakar ishlab chiqarish 600 ming tonnadan 1 million tonnagacha oshadi.

«Shunday qilib, shakar ishlab chiqarish (1 million tonna) respublika aholisining yillik ehtiyojini (oʻrtacha 650 ming tonna) izchil taʼminlash uchun yetarli boʻlib, xavotirga oʻrin yoʻq», – deya ishontirdi qoʻmita.

Bugungi kunda iste’molchilar uchun shakarning o‘rtacha narxi 11,5-14 ming so‘mni, ayrim chekka hududlarda esa 12-15 ming so‘mni tashkil etmoqda.