Yangi Lada Vesta O‘zbekistonda yig‘ilishi rejalashtirilgan

Bu flagman modeli bo’ladi

Avtovaz yangi avlod Lada Vesta avtomobilini O‘zbekistonda yig‘ish imkoniyatini ko‘rib chiqmoqda, dedi kompaniya prezidenti Maksim Sokolov.

«Hozirda hamkorimiz bilan birgalikda avtomobillarimizni yig‘ishni tiklash bo‘yicha eng yaqin rejalarni faol ko‘rib chiqmoqdamiz. Qolaversa, u flagman modeli – yangi avlod Lada Vesta modeli bo‘ladi», — dedi Sokolov «Innoprom Markaziy Osiyo» chog‘ida.

AvtoVAZ rahbari kelgusida kompaniya O‘zbekistonda ishlab chiqarishni mahalliylashtirish darajasini, xususan, payvandlash va bo‘yashni chuqurlashtirish niyatida ekanligini qo‘shimcha qildi.

Rossiya avtokonserni ADM Jizzax zavodida O‘zbekistonning Roodell kompaniyasi bilan birgalikda Lada avtomobillarini yig‘ishni yo‘lga qo‘ydi. Korxona «Jizzax» erkin iqtisodiy zonasida joylashgan.