Transport vazirligi ma’lumotlariga ko’ra
2023-yilning birinchi choragida ATTO transport kartalari yordamida 26,8 million tranzaksiya amalga oshirildi, deb xabar bermoqda Transport vazirligi matbuot xizmati. Shundan 14,1 million tranzaksiya tarif kartalari hisobiga to‘g‘ri keldi.
Boshqarmaning taʼkidlashicha, yoʻlovchilar poytaxt metrosida QR-chiptalardan faol foydalangan – 17,9 million martadan ortiq, avtobuslarda QR kodlari yordamida 140 mingta tranzaksiya amalga oshirilgan.
O’zbekistonda ATTO kartalari 2020-yil yanvar oyi boshidan ishga tushirilgan. Yo‘lovchilar uchun yagona kartalardan tashqari imtiyozli va tarifli kartalar ham mavjud.
