Mamlakat hukumati ushbu qadamning istiqbollarini ko’rib chiqmoqda, kompaniyalar aktsiyalari qiymati pasaymoqda
Germaniya yarimo‘tkazgichlarni yaratishda foydalaniladigan kimyoviy moddalarni Xitoyga eksport qilishni cheklash masalasini ko‘rib chiqmoqda, xabar berdi Bloomberg.
Nashr manbalarining ta`kidlashicha, kimyoviy moddalar eksportini taqiqlash Germaniya kansleri Olaf Shols hukumatida muhokama qilinayotgan chora-tadbirlar paketining bir qismidir. Bu chora mamlakatning Xitoyga iqtisodiy qaramligini kamaytirishga qaratilgan.
Cheklov eng qadimgi Merck farmatsevtika firmasi va Yevropadagi eng yirik BASF kimyoviy konserni kabi nemis kompaniyalariga tahdid solmoqda.
Yangilik ortidan BASF aksiyalari 4,3 foizga tushib, har biri 47,99 dollarni tashkil qildi.
Kimyoviy moddalar eksportini taqiqlash Xitoyning texnologik sohada G’arb davlatlari bilan qarama-qarshiligining navbatdagi bosqichi bo’ladi.
