Bu haqda suv xo‘jaligi vaziri o‘rinbosari ma’lum qildi
Oʻzbekiston suv resurslarining 80 foizini boshqa davlatlardan oladi, bor-yoʻgʻi 20 foizi oʻzimizda ishlab chiqariladi, dedi O‘zbekiston suv xo‘jaligi vaziri o‘rinbosari Azimjon Nazarov Toshkent xalqaro investitsiya forumida.
Nazarovning qo‘shimcha qilishicha, bundan 30-40 yil avval yaratilgan infratuzilma jiddiy modernizatsiyani talab qiladi. Departament hisob-kitoblariga ko‘ra, 2030-yilga borib O‘zbekistonda 7 milliard kub metr suv taqchillik yuzaga keladi. Shu munosabat bilan undan oqilona foydalanishga chaqirdi.
«Agar Oʻzbekistonda suvni tejash boʻyicha barcha tashabbuslarni toʻplasak, unda qariyb 19 milliard dollar sarmoya talab etiladi, shundan nasos stansiyalari uchun 4 milliard dollar va suvni tejash texnologiyalarini joriy etish uchun xoʻjalik subsidiyalariga qariyb 6 milliard dollar ajratiladi», dedi Boston Consulting Group (BSG) kompaniyasining boshqaruvchi direktori va hamkori Igor Alekseyev.
Eslatib o‘tamiz, Jahon banki ekspertlari O‘zbekistonni tabiiy resurslarni boshqarishni yaxshilashga chaqirgan.
Ayniqsa, O‘zbekistonda suvdan foydalanish samarasiz. Shu bilan birga, yalpi ichki mahsulot birligiga energiya iste’moli Yevropa va Markaziy Osiyoga nisbatan qariyb uch barobar, qo‘shni Qozog‘istonga qaraganda ikki baravar ko‘pdir.
