O‘zbekistonlik maktab o‘quvchilari kimyo bo‘yicha xalqaro olimpiadada medallarni qo‘lga kiritdi

Musobaqa Ostona shahrida 1-6 may kunlari bo‘lib o‘tdi

Ostona shahrida kimyo bo‘yicha o‘tkazilgan 57-xalqaro Mendeleyev olimpiadasida o‘zbekistonlik yetti nafar maktab o‘quvchisi g‘oliblar qatoridan joy oldi. Bu haqda O‘zbekiston Maktabgacha va maktab ta’limi vazirligi rasman xabar berdi.

O‘zbekistonlik maktab o‘quvchilari olimpiadada ikkita oltin, uchta kumush va ikkita bronza medalini qo‘lga kiritdi. G‘oliblar qatorida Toshkent va Buxoro shaharlari maktab o‘quvchilari ham bor edi.

Xalqaro Mendeleyev kimyo olimpiadasida 21 davlatdan 113 nafar maktab o‘quvchisi ishtirok etdi. Musobaqa 1-6 may kunlari boʻlib oʻtdi.

Ushbu tadbir 1997 yildan buyon maktab o‘quvchilari uchun kimyo fanidan Butunittifoq olimpiadasining huquqiy davomchisi hisoblanadi. Uch turdan iborat: ikkita nazariy va amaliy.