Turkiya davlat xizmatchilarining maoshi 45 foizga oshirildi

Bu haqda Erdo‘g‘an saylovlardan bir necha kun oldin ma’lum qilgan edi

Turkiya prezidenti Rajab Toyyib Erdo‘g‘on davlat xizmatchilarining maoshlari 45 foizga oshirilishini ma’lum qildi. Mamlakatda eng kam ish haqi 15 ming liraga (taxminan 770 dollar) oshdi, xabar bermoqda Anadolu.

Tashabbus davlat muassasalari va boshqarmalari, korxonalar, munitsipalitetlar xodimlariga taalluqlidir.

Bundan tashqari, hukumat terrorizm qurbonlari bo‘lgan faxriylarning maoshini 10 foizga oshiradi. Rejaga ko’ra, ish vaqtidan tashqari ish haqini 70% ga oshirish ko’zda tutilgan.

Turkiya rahbarining soʻzlariga koʻra, mamlakat koronavirus pandemiyasi va Rossiya-Ukraina mojarosiga qaramay, sanoat va savdo hajmini saqlab qolishga muvaffaq boʻldi.

Erdo‘g‘on davlat xizmatchilarini qo‘llab-quvvatlashini mamlakatdagi prezidentlik saylovlariga besh kun qolganida ma’lum qildi.