Shuningdek, yangi planshet.
Amerikaning Google texnologiya korporatsiyasi o‘z anjumanida Pixel Fold birinchi yig‘ma smartfonini taqdim etdi. Kompaniya shuningdek, yangi Pixel planshetini ham namoyish etdi.
Pixel Fold ekranining o‘lchami katlanganda 5,8 dyuym va ochilganda 7,6 dyuymni tashkil qiladi. Katlanganda, zanglamaydigan po’latdan yasalgan ilgak tufayli ekranlar o’rtasida bo’shliq qolmaydi.
Pixel Fold Tensor 2 protsessori, 12 GB operativ xotira, 4800 mA/soat akkumulyator va uchta kamera bilan jihozlangan.
Smartfonning AQSh bozoridagi narxi 1799 dollarni tashkil qiladi.
Pixel planshetining narxi 500 dollarni tashkil qiladi. Planshet Tensor G2 protsessorida ishlaydi. Displey o’lchamlari – 2560×1600 piksel, operativ xotira – 8 GB. Qurilma barmoq izlari skaneri bilan jihozlangan.
Google — Internet qidiruvi, bulutli hisoblash va reklama texnologiyalariga sarmoya kirituvchi Amerika korporatsiyasi. Xuddi shu nomdagi qidiruv tizimining egasi.
