Erdo‘g‘on Turkiya konstitutsiyasini qayta yozmoqchi

Mamlakatning barcha partiyalari bilan muhokama qilish rejalashtirilgan

Turkiya prezidenti Rajab Toyyib Erdo‘g‘on mamlakatning yangi konstitutsiyasini ishlab chiqish rejalarini ma’lum qildi, xabar bermoqda «TASS» TRT telekanaliga tayanib.

«Asosiy vazifalardan biri yangi konstitutsiya boʻlib qolmoqda. Biz partiyamiz ittifoqi doirasida [bu boradagi ishlanmalarni] baholaymiz, zarur ishlarni amalga oshiramiz. Tomonlar o‘rtasida muloqot, konsensus izlash bo‘ladi. Agar ular takliflar bilan chiqsa, tahlil qilamiz», dedi u.

Erdo‘g‘onning so‘zlariga ko‘ra, Turkiya 1980-yilda sodir bo‘lgan harbiy to‘ntarish merosidan xalos bo‘lishi kerak. 1982-yilda yangi konstitutsiya qabul qilindi, u hozirgi kungacha amalda.

Turkiyaning amaldagi prezidenti mamlakatning asosiy qonuniga ikki marta o‘zgartirish kiritdi. Eng tub oʻzgarishlar parlament boshqaruvidan prezidentlik boshqaruviga oʻtish boʻldi.

Eslatib o‘tamiz, 2023-yil may oyi o‘rtalarida Turkiyaning amaldagi prezidentining Adolat va taraqqiyot partiyasi (AKP) yetakchiligidagi Respublikachilar alyansi parlamentdagi 600 ta o‘rindan 322 taga yaqin o‘rinni qo‘lga kiritgan edi.