MDH elektr energetika kengashi ijroiya qo‘mitasi raisi Taras Kupchikov Markaziy Osiyoda elektr energiyasi taqchilligini bartaraf eta oladigan uchta tashabbusni nomladi, yozadi Tazabek.
U mintaqa davlatlariga transchegaraviy uchastkalarni mustahkamlash, O‘zbekiston, Qirg‘iziston va Qozog‘istonda atom elektr stansiyalarini qurish, Qambar-Ota-1 GESini qurish kabi loyihalarga e’tibor qaratishni maslahat beradi.
«Mamlakatlar 90-yillarda belgilangan maksimal iste’mol darajasiga yetdi. Bular Qozog‘iston, O‘zbekiston, Qirg‘iziston, lekin infratuzilma, afsuski, o‘shandan beri rivojlanmagan. Bugun bizda juda katta muammolar bor, ular o’sib bormoqda. Markaziy Osiyo mintaqasida texnogen baxtsiz hodisalar soni ortib bormoqda. Rossiyada elektr energiyasi mavjud bo‘lsa ham, afsuski, mavjud elektr energiyasi asosida hamkasblarimizga yordam bera olmaymiz», — dedi Kupchikov.
Jahon banki (JB) maʼlumotlariga koʻra, Markaziy Osiyo mamlakatlari anʼanaviy va yashil energiyaga qariyb 20 milliard dollar sarmoyaga muhtoj boʻladi.
Jahon bankining Yevropa va Markaziy Osiyodagi infratuzilma bo‘yicha direktori Sharl Kormierning fikricha, muqobil energiya sohasida islohotlarni tezlashtirish, shuningdek, investorlar ishonchini mustahkamlash zarur.
