O‘zLiDeP partiyasidan prezidentlikka nomzod Shavkat Mirziyoyev 2030-yilga kelib Namangan viloyatida umumiy quvvati 1,2 ming MVt bo‘lgan uchta quyosh elektr stansiyasi paydo bo‘lishini ma’lum qildi.
Ular Pop va Chust shaharlarida joylashgan bo‘ladi. Shuningdek, Narin daryosida 250 MVt quvvatga ega bitta katta va uchta kichik GESlar quriladi.
Viloyatning energiya ta’minotini yaxshilash uchun 6,5 ming km elektr tarmoqlari, 2 ming transformator va 12 ta podstansiya ta’mirlanadi. Bunga qo‘shimcha ravishda, barcha ijtimoiy va davlat muassasalarida va 15 mingta uyda 82 MVt quvvatga ega quyosh panellari o‘rnatiladi.
