O‘zbekistonda gaz qazib olish pasayishda davom etdi

Oʻzbekistonda gaz qazib olish ketma-ket beshinchi oy pasaymoqda, deb xabar qildi mamlakat Statistika agentligi.

Yanvar-may oylarida O‘zbekistonning yirik korxonalari tomonidan 19,8 milliard kub metr gaz ishlab chiqarilgan. Bu bir yil oldingiga nisbatan 10%ga kam.

2023-yilning to‘rt oyida gaz qazib olish 9,5 foizga kamayib, 16,2 milliard kub metrni tashkil qildi. Birinchi chorakda u 9,6 foizga kamaydi.

Gaz kondensati ishlab chiqarish ko‘rsatkichlari ham pasaydi, yanvardan maygacha – 555,3 ming tonnadan 510,8 ming tonnagacha. Shu bilan birga, respublikada neft qazib olish 3 foizga oshdi – 327,6 ming tonnagacha.

Toshkent gaz tanqisligini import hisobiga qoplash niyatida. 2022-yilda O‘zbekiston va Turkmaniston qo‘shimcha 1,5 milliard kub metr gaz yetkazib berish bo‘yicha shartnoma imzoladi. Rossiyaning «Gazprom» kompaniyasi ham 2023-yil oktyabridan O‘zbekistonga ko‘k yoqilg‘i import qilishni boshlaydi. Yillik yetkazib berish hajmi 2,8 milliard kub metrni tashkil qiladi.