Markaziy Osiyodagi uchta asosiy muammo nima?

Qozog‘iston Bosh vaziri o‘rinbosari – Tashqi ishlar vazirligi rahbari Murat Nurtleu Markaziy Osiyodagi uchta asosiy muammo ekologiya va suv resurslari, hududiy muammolar va Afg‘onistondagi vaziyat ekanligini aytdi.

Uning so‘zlariga ko‘ra, suvdan oqilona foydalanish masalasi «birinchi darajali» muammoga aylangan, shu munosabat bilan mintaqaviy suv-energetika konsorsiumini tashkil etish taklif etilmoqda.

Nurtleu chegaralar mavzusiga toʻxtalar ekan, Qozogʻiston Respublikasi barcha qoʻshni davlatlar bilan chegara shartnomalari imzolagani va oʻz tajribasini boshqalar bilan boʻlishishga tayyor ekanini taʼkidladi.

Shuningdek, uning fikricha, mintaqada barqaror vaziyat va xavfsizlikni ta’minlash uchun Afg’onistondagi vaziyat bilan bog’liq muammolarni hal qilish kerak. Uning fikricha, davlat BMT vakili bo’lgan koordinator bilan xalqaro yordamga muhtoj.

«Biz yagona va eng muhimi, inklyuziv afgʻon hukumati murosa va barqarorlikka olib kelishiga ishonchimiz komil», – dedi u.

Shu munosabat bilan Nurtleu Olmaota shahrida BMTning Markaziy Osiyo va Afg‘onistonda barqaror rivojlanish maqsadlari bo‘yicha mintaqaviy markazini ishga tushirishni taklif qildi.