Qirg‘iziston prezidenti Sadir Japarov mamlakatning yangi harbiy doktrinasini tasdiqlash haqidagi farmonni imzoladi. Hujjatni qayta ko‘rib chiqishdan maqsad qurolli kuchlarni mustahkamlashdan iborat. Bu haqda TASS axborot agentligi xabar berdi.
Doktrinada Qirg‘iziston harbiylarini qo‘llab-quvvatlash tuzilmasi va vazifalari tizimlashtirilgan. Armiya rivojlanishining asosiy yo’nalishi davlat va harbiy boshqaruvning muvofiqlashtirilgan faoliyati sifatida belgilangan.
Hujjatning yangi tahriri jahon va Markaziy Osiyodagi harbiy-siyosiy vaziyatdagi o‘zgarishlar fonida paydo bo‘ldi.
