AQSh Qirg‘iziston kompaniyalariga qarshi sanksiyalar joriy qildi

Qirg‘izistonning bir qator kompaniyalari harbiy maqsadlarda foydalanish mumkin bo‘lgan tovarlarni Rossiyaga reeksport qilgani sababli Amerika Qo‘shma Shtatlarining «qora ro‘yxati»ga kiritildi. Bu haqda AQSh moliya vazirligi ma’lum qildi.

«Rossiya tomonidan xorijda ishlab chiqarilgan elektronika va texnologiyalarni import qilishda qoʻllaniladigan eng keng tarqalgan taktikalardan biri bu vositachilar va Rossiyadan tashqarida yuk tashish punktlaridan foydalanishdir. Qirg‘iziston Respublikasida joylashgan kompaniyalar Ukrainaga keng ko‘lamli bosqin boshlanganidan beri Rossiyaga elektron komponentlar va texnologiyalarni eksport qilmoqda», — deya tushuntirdi agentlik.

AQSh Moliya vazirligi kompaniyalarning Qirg‘izistondan Rossiyaga olib o‘tgan tovarlari mamlakat mudofaa sektori uchun ahamiyatli ekanini ta’kidladi. Bunday tashkilotlar orasida Amerika rasmiylari: «RM Design and Development», «Basis Trade Prosoft», «Radiotechsnab» va «Region-Prof» bilan birgalikda; «Progress Leader» va CIC; «GTME Technologies» va Technologies Systems and Complexes Limited; Kargolin; Amegino; «AK Microtech» va boshqalar. AQSh Qirg‘izistonga qarshi sanksiyalar tayyorlayotgani kuni kecha ma’lum bo‘ldi.