Toshkent IESda yaqinda Yaponiyaning Mitsubishi kompaniyasi tomonidan yetkazib berilgan ikkinchi gaz turbinasi o‘rnatilmoqda, deb xabar bermoqda O‘zbekiston Respublikasi Energetika vazirligi matbuot xizmati.
Birinchi turbina qurilish maydonchasiga iyun oyi oxirida keltirildi.
Yaponiya turbinalari yiliga jami 515 million kVt/soat elektr energiyasi va 630 ming Gkal issiqlik energiyasi ishlab chiqaradi.
Loyihaning amalga oshirilishi 219 ming kub metr tabiiy gazni tejash va 40 dan ortiq o‘zbekistonlikni ish bilan ta’minlash imkonini beradi.
Poytaxt aholisini elektr va issiqlik energiyasi bilan tez ta’minlashni yo‘lga qo‘yish maqsadida quruvchilar bu ishlarni 2024-yilning birinchi choragida yakunlashga va’da bermoqda.
