O‘zbekiston o‘tgan yil yakunlariga ko‘ra Qozog‘istonda ishlab chiqarilgan sovunning asosiy xaridoriga aylandi, deb xabar bermoqda Energyprom.kz portali.
Qozog‘istonda 2023-yilda jami 17,5 ming tonna sovun ishlab chiqarilgan bo‘lib, shundan 10,6 ming tonnasi yoki 60,8 foizi eksport qilingan.
10,6 ming tonna umumiy eksport hajmining 48,7 foizi O‘zbekiston hissasiga to‘g‘ri keladi. Tojikiston xorijda sotiladigan qozoq sovunining 38,7 foizini sotib oladi.
O‘tgan yilga nisbatan qo‘shni davlatlarga yetkazib berish qariyb 18 foizga oshgan.
