Energetika vazirligi O‘zbekistonda quyosh panellarini o‘rnatish bo‘yicha monopoliya yo‘qligini va kompaniyalarni bunga hech kim majbur qilmayotganini bildirdi. Ularni o‘rnatish va ta’mirlash bilan 100 dan ortiq tadbirkor shug‘ullanadi.
![](https://cdn-uz.kursiv.media/wp-content/uploads/2023/08/14-2.jpg)
Departamentda tadbirkorlar bir-biri bilan erkin raqobatlashayotgani va yirik kompaniyalar bilan aloqasi yo‘qligi qayd etildi. Bundan tashqari, yil boshidan buyon quvvati 1 kVt bo‘lgan quyosh batareyalarini o‘rnatish qiymati 11,5 million so‘mdan 8,5 million so‘mga pasaygan.
2023-yil boshidan buyon «Yashil Energiya» bozori quyosh fotoelektr stansiyalarini sotib olish, o‘rnatish va texnik xizmat ko‘rsatish bo‘yicha «Sun High Tech», «Eleve Fast Service», «Humo Solar», «Ogma Projects», «O‘zbekenergotamir» kompaniyalari bilan 93 milliard so‘mlik shartnomalar tuzdi.
Avvalroq, «Kursiv» Buxoro neftni qayta ishlash zavodida 600 kVt/soat quvvatga ega quyosh fotoelektr stansiyasi qurilgani haqida yozgan edi.