Maskning kompaniyasi miya chiplarini ishlab chiqish uchun mablag‘ topdi
Amerikalik milliarder Ilon Mask asos solgan Neuralink miya chiplari ishlab chiqaruvchisi navbatdagi sarmoya raundida 280 million dollar to‘pladi. Bu haqda kompaniyaning X (sobiq Twitter) ijtimoiy tarmog‘idagi rasmiy sahifasidagi xabardan ma’lum bo‘ldi.
Ta’sischilar jamg‘armasi boshchiligidagi 280 million dollarlik D seriyali raundimizni e’lon qilishdan mamnunmiz.
Founders Fund — Amerika venchur kapitali kompaniyasi. 2022-yilda u 11 milliard dollarlik aktivlarni boshqargan. Neuralink bilan kelishuv tafsilotlari oshkor etilmagan.
Mask Neuralinkga 2016-yilda asos solgan. Tadbirkorning ta’kidlashicha, kompaniyaning maqsadi – miya kasalliklarini davolash uchun asboblar yaratish, kelajakda odamlarning ahvolini yaxshilashdir.
2019-yilda kompaniya o‘zining birinchi miya chiplarini namoyish etdi. Ularning sinovlari hayvonlarda o‘tkazildi.
«Kursiv» yozganidek, may oyining oxirida regulyator Neuralinkga miya chiplarini odamlarda sinab ko‘rishga ruxsat berdi. Iyun oyi boshida kompaniya 5 milliard dollarga baholangan edi.
