Xitoy kompaniyalari Nvidia chiplari uchun 5 milliard dollar sarflaydi

Xitoyning texnologiya kompaniyalari Amerika Qo’shma Shtatlaridan eksportga yangi cheklovlar qo’yilishidan qo’rqib, amerikalik Nvidia ishlab chiqaruvchisidan yuqori unumli chiplarni sotib olishga shoshilishmoqda, deb ma’lum qildi Financial Times.

1 milliard dollarlik 100 ming protsessorga buyurtmalar Baidu, ByteDance, Tencent va Alibaba kompaniyalari tomonidan berilgan. Bundan tashqari, Xitoy kompaniyalari chiplarni yetkazib berish uchun jami 4 milliard dollar to‘lashdi, tovarlar 2024-yilda yetib borishi kerak.

Kompaniyalar Nvidia’dan A800 grafik protsessorlarini sotib olishmoqda. Ular Xitoyga eksporti cheklangan zamonaviy ishlanmalarga qaraganda yomonroq xususiyatlarga ega. Keyingi chora-tadbirlar jarayonida A800 ni Xitoyga olib kirish ham taqiqlanishi mumkin.

Xitoy korxonalari sun’iy intellekt texnologiyalarini ishlab chiqish uchun Amerika chiplariga muhtoj.

«Ushbu Nvidia chiplarisiz (A800 – Tahrir), biz biron bir asosiy til modelini o’qitishni davom ettira olmaymiz», dedi Baidu manbasi nashrga.

A800 ga bo’lgan talab chip narxining oshishiga olib keldi. Distribyutorlarning ma’lumotlariga ko’ra, tovarlarning narxi 50% dan oshgan.

Kursiv avvalroq Nvidia kapitallashuvi birinchi marta 1 trillion dollardan oshganini yozgan edi. Sababi yuqori unumdorlikdagi protsessorlarni talab qiluvchi sun’iy intellekt texnologiyalariga qiziqish ortib bormoqda.