Xitoyning yalpi ichki mahsuloti (YaIM) yanvar-iyun oylarida o’tgan yilning shu davriga nisbatan 5,5 foizga oshdi. Bu COVID-19 pandemiyasining uch yilidagi oʻrtacha natijalardan yuqori. Mamlakat iqtisodiyoti muvaffaqiyatli tiklanmoqda. Bu haqda Xitoy tashqi ishlar vazirligi rasmiy vakili Van Venbin ma’lum qildi, xabar beradi «Sinxua» agentligi.
Xitoy Tashqi ishlar vazirligi maʼlumotlariga koʻra, 2023-yilning birinchi yarmida yuqori texnologiyali tarmoqlarga investitsiyalar 11,5 foizga, ilmiy tadqiqotlar sohasiga 23,1 foizga oshgan. Elektr transport vositalari, akkumulyatorlar va quyosh batareyalari eksporti 61,6 foizga oshdi.
Bundan tashqari, olti oy ichida Xitoy fotovoltaik qurilmalarning quvvatini 78,42 GVt ga oshirdi. Xitoy iqtisodiyotining o‘sish sur’atlariga ichki talabning hissasi 2022 yilning shu davriga nisbatan 59,4 foizga oshdi.
«Rivojlanayotgan va olg‘a intilayotganda qiyinchilik va muammolardan qochish qiyin, lekin biz ulardan hech qachon qochmaymiz, aksincha, ularni faol ravishda bartaraf etish choralarini ko‘ramiz. Buning natijalari allaqachon ko’rinmoqda yoki ko’rina boshladi», – deya Van Venbin so’zlarini keltirmoqda agentlik.
Tashqi ishlar vazirligi vakili G‘arb siyosatchilarining ushbu mavzudagi bayonotlarini sharhlab, Xitoy iqtisodiyotining rivojlanishi haqida gapirdi.
«Kursiv» avvalroq AQSh prezidenti Jo Bayden Xitoy iqtisodiy muammolarga duch kelayotgani va “bomba»ga aylanib borayotganini aytganini yozgan edi.
Xalqaro valyuta jamg‘armasi hisob-kitoblariga ko‘ra, Xitoy iqtisodiyoti 2023-yilda 5,2 foizga o‘sadi.
